注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

﹎.淚

>>葉落涙蒶飛,花落人斷腸。..

 
 
 

日志

 
 

[轉]06年的一篇日記..因為我要好好記住..  

2007-01-08 21:54:59|  分类: 心情日記.. |  标签: |举报 |字号 订阅

  下载LOFTER 我的照片书  |

    06年11月13日上午的9:37分,婆婆係佢的屋屋離開咗我哋..原來係12號晚九點的時候,婆婆就已經由救護車送咗翻藜,因為婆婆曾經話過佢要係屋屋壽終正寢,而且即使有事都5要搶救...其實12號白天醫生已經搶救過婆婆架啦,而且仲話婆婆可能挨5到12號晚...
      媽媽話我知,婆婆翻到屋的時候面色比係醫院的時候要好,一直睜開眼鏡周圍望,可能系想盡辦法將一切記住..婆婆好堅強,憑住氧氣袋,足足堅持咗12個鐘...表姐話我知婆婆后藜連氧氣袋都5要,都堅持咗兩個鐘..媽媽同婆婆講我哋三姊妹會生性架啦..之后婆婆就走咗啦...我知道婆婆一定好想見到我同細佬架,但係我哋知道的時候,婆婆已經走咗啦..趕回架的途中,眼淚不停往下流…痛恨自己,點解星期日的時候要翻學校,如果5翻,我就可以陪住婆婆..更痛恨的係,趕5到見婆婆最后一面...
      翻到去婆婆的靈體前,痛哭...偶爾望過去,依然覺得婆婆鐘有微弱的呼吸..望真,原來系自己的錯覺..總覺得婆婆就系身邊,我5相信婆婆就咁離開咗我...星期日的上午,我從醫院走出藜的一刻,心里面仲相信婆婆一定會好翻架..但后藜原來生命真係好脆弱,面對你想留住的人,卻無能為力..只能眼睜睜聽住佢呼吸聲越藜越急促,越藜越微弱...
      13號晚,一直留係個度...回想起婆婆對我哋講的話,教我哋的嘢..
      婆婆成日教我:千其5好同人比,人比人比死人.
      婆婆話:做人要比上不足,比下有余.
      婆婆話:做人5好做虧心事,要對得住人,對得住自己.
      婆婆話:要俾心機讀書,5好激親媽媽.
      婆婆話:做兄弟姊妹的有今身無來世,一定要好好珍惜.
      婆婆話:一家人,無隔夜仇.
      婆婆話:即使老豆對你有幾差,佢始終都系你老豆,你始終要尊重佢.
      記得細個,我做錯事俾爸爸打的時候,婆婆一定會幫我求情...
      我哋三姊妹還細的時候,幫我爸爸媽媽照顧屋企,幫爸爸媽媽做生意...
      婆婆活動自如的時候,每一天早上都會為我哋一家人祈福,希望我哋一家人團團結結...
      婆婆仲會專登去廟宇幫我哋祈福,還神...
      每一天,每一月,每一年都如此,從藜無停止過...亦都因為咁樣,其他舅父姨媽都會話婆婆偏心...其實婆婆真係好偉大..婆婆一個人,細個的時候就受到重男輕女的束縛, 5單只無得讀書,連名都系出嫁的時候要填寫所以先隨便寫一個,佢話我知個陣佢日日只能靠帶細佬去上課的時候偷偷學幾個字..到嫁咗我啊公個陣生活都無點改善過,因為啊公個陣成日都5去做嘢,靜系識飲酒.婆婆就自己挑擔挑去買嘢,耕田,種菜,憑自己的能力帶大佢自己的子女同孫...一個人帶大咁多人,一d都5容易,吃的苦更是苦不堪言..但婆婆一向有苦都系自己承受,從來都無聽過婆婆吐苦水..我哋細細個的時候婆婆就教我哋讀<三字經>,我哋教婆婆寫字..記得有一年我生日的時候,婆婆買咗個鬧鐘俾我,系一只兔子拿住個紅蘿卜的形狀,后藜俾老豆整爛咗,個陣我真係憎死我老豆…
      到我哋大dd的時候,婆婆怕我哋系佢屋會悶,次次都會買d糖,話梅俾我哋吃..記得婆婆個陣最中意俾哇哈哈AD鈣奶我哋飲,每一次去到會俾我哋飲..我哋叫婆婆5好買啦,但婆婆都繼續買,到后藜仲俾錢我哋,叫我哋自己中意吃咩就買咩..但當時,我哋靜系識叫婆婆5好浪費錢但就5明婆婆的真正用意…其實婆婆想我哋多d去陪佢傾計,買嘢俾我哋吃只系想留住我哋系度坐耐d,玩耐d…試想一下,對于老人家藜講,有乜開心得過見到自己的仔女,孫同曾孫開開心心傾計,一家人樂也融融..到咗婆婆年紀大咗之后,做好多事都5方便,但係仲要堅持自己住,自己煮..但係我哋為婆婆做過d咩吖?大人即系識俾錢,細嘅就嫌婆婆啰嗦…有時諗起以前我幫婆婆洗頭,捻腳,擦藥油,扶它林,啊妹幫婆婆剪頭發..過年的時候幫婆婆封利是..周末同婆婆去飲茶..婆婆生日的時候,大家就會齊聚一堂...生活的幸福原來一早就由細微處開始,只系我哋都無發現..到現在,無辦法重現以前的生活,我應該點樣去適應缺少咗婆婆的生活吖?媽媽話要改口,5可以再話去婆婆度…一時間,我真系好5習慣…一個我愛的人,離開咗我..咁的事實有邊個可以輕松接受…
      望住婆婆的靈體被帶走的一刻,心里面好難受,我好想見一見婆婆那張我熟悉的面容..但係哭到已經無辦法出聲,只能係心里面呼喚婆婆..哽咽令我無辦法出聲講嘢…又真係5明白,點解個天要作弄好人?我婆婆一世人為人都咁好,你點解咁輕易就帶走佢?
      到咗現在,心里面有一種不知所措的慌,好想將自己置身系黑夜中,想見到婆婆,想摸一摸婆婆的面,想拖住婆婆的手,聽到婆婆的聲音…但係又怕真係見到婆婆的時候,應該講咩?跟住就會有一種慌…個種不知所措的慌該如何面對?
      啊B問:太婆係米出咗國吖?係米以后都5翻架啦?我好掛住太婆吖..又好擔心太婆吖…
      其實,我哋每一個人都好掛住婆婆…
      婆婆最中意吃云片糕,薩琪瑪,飲茶最中意吃鳳爪…
      收起婆婆最中意的手扼,床頭放住婆婆買俾我的公仔,假裝婆婆還在..
      一個人惟一不能被帶走的就系身份,所以婆婆的身份…
      一直在我身邊,在我心里,無人可以帶走…
      相信婆婆係另外一個世界,一定會生活得好開心…
      婆婆,我系啊穎吖,我一定會聽你的話,俾心機讀書,好好照顧媽媽,我一定會架…我好掛住你吖…我都未俾到好的生活你過,你點可以咁就離開喔..你話過你要睇住結婚架,但你現在失約啦…不過5緊要,到你應承我,你係另外的世界里面一定要開開心心,健健康康…我哋係你的叻孫藜架嘛,你5使擔心我哋架啦…不過,要記得掛住我哋…

  评论这张
 
阅读(26)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017